miércoles, 12 de diciembre de 2018

NOVIDADES PRIMARIA

Ola rapaces, como xa sabemos que os libros de ciencias gústanvos moito e en especial os de animais, xa podedes botarlle unha ollada ou levar para casa, esta colección de National Geographic.


Tamén tedes 4 marabillosos libros da autora Carmen Gil. Seguro que vos gustan. 


Resultado de imagen de carmen gil

RESPOSTAS ÁS ENQUISAS DAS MOCHILAS VIAXEIRAS

Dende o Equipo de Biblioteca continuamos recibindo suxestions para o funcionamento da Mochila Viaxeira.
  • Que libros, revistas...nos recomendarían para poñer noutra ocasión na mochila?
  1.  RECOMENDACIÓN DE ENGADIR O LIBRO GERÓNIMO STILTON- Esta colección xa ten o seu tempiño, e en moitas ocasións optamos por incluir na mochila, na medida do posible, novidades que saen no mercado. Aínda así, pódese emprestar en calquera momento da  biblioteca, temos a colección completa.
  2. INCLUIR LIBROS QUE FOMENTEN A IGUALDADE, QUE  "DESMONTAN" ESTEROTIPOS, QUE FALEN SOBRE OS DISTINTOS "MODELOS" DE FAMILIA. Boa recomendación, pero de momento os libros dos que dispoñemos e/ou coñecemos, están encamiñados a nenos pequenos, de Infantil e Primeiro Ciclo. Se algún lector coñece algún título que nos poida axudar a incluilo, que nolo faga saber. Grazas. 
  3. PARA PAIS: "COMO HABLAR PARA QUE SUS HIJOS LE ESCUCHEN, COMO ESCUCHAR PARA QUE SUS HIJOS LE HABLEN" ADELE FASER/ELAINE MAZLISH. Interesante proposta. Este ano xa non é posible incluílo pero terémolo moi en conta para vindeiros anos. Grazas pola suxestión.
  • Outras suxestións ou actividades para facer relacionadas coa biblioteca escolar.
  1. PROXECTO LECTOR: MEDIA HORA DE LECTURA DIARIA NA AULA DO LIBRO QUE O ALUMNADO ESCOLLA. Esta actividade xa se leva facendo no colexio dende fai anos. Grazas igualmente. Dende o equipo da Biblioteca dámoslles as grazas a todos polos seus comentarios.

NOVIDADES EN INFANTIL

Os máis pequenos do cole xa podedes disfrutar na vosa biblioteca de novos libros. 
Esperamos que vos gusten!.



jueves, 6 de diciembre de 2018

ENCONTRO CON AUTORA



Esta semana tivemos un encontro coa autora do libro "O misterio de Portomarín", Antía Yáñez Rodríguez.
Este libro foi o escollido, dentro do Plan lector, para os nenos de sexto de primaria dos colexios de Xunqueira de Ambía e Padre Feijoo.

miércoles, 28 de noviembre de 2018

MOCHILAS VIAXEIRAS EN INFANTIL

Este curso quixemos comezar coas Mochilas Viaxeiras cos nenos de 5 anos.As titoras de Educación Infantil elixiron a principio de curso 40 libros, entre contos ilustrados, de divulgación, letra manuscrita...e repartíronse en 2 grupos, tendo en conta tamén un reparto equitativo segundo a lingua empregada, castelán ou galego. Os venres de cada semana os alumnos/as de 5 anos elixen un conto e lévano para casa nunhas mochilas que se mercaron para protexelos, xa que os hai ilustrados de gran tamaño. Para facilitar o seu reparto no comedor,pois a gran maioría fai uso destes servizos, identificouse cada mochila coa foto e nome de cada alumno/a.



martes, 27 de noviembre de 2018

UN COLE DE LENDA

Biblioteca, Trasnoteca.
Trasnoteca, Biblioteca...
Pero...Como chegou este trasno ata aquí?.
Velaquí a verdadeira historia...


                                UN COLE DE LENDA


Fai moito tempo no patio do cole " Milfollas" había unha montaña.
A todos os nenos e nenas da vila lles encantaba correr e tirarse por alí, pasábano xenial, pero non sempre sucedían cousas boas...
Nun buraco que os nenos fixeran vivía un trasno porcallán que practicaba boxeo cunha folla. Codiciaba as merendas e chamábase Trasnoteca.

Un día, bo para Trasnoteca e malo para os nenos, ao trasno deulle por roubar todas as merendas, mesmo as dos profes e a do director.
Os nenos acusáronse uns aos outros, tirábanse pola montaña, metíanse en buracos, lanzábanse pedras, zapatos...os profes non sabían que facer!.
Os nenos dixéronllo ás familias. Os pais e nais culpáronse por teléfono. Acabaron enfadados e pelexados uns cos outros.
Ante aquela catástrofe e aquel caos, mandaron vir ao inspector Maximinius. Tras días e días de búsqueda atrapou ao trasno.
Cando pillaron a Trasnoteca, quixeron exilialo, pero como o cole sen el non tiña sentido, chegaron a un acordo: Trasnoteca podería vivir na biblioteca a cambio de ser superlimpo, ter os libros ordenados, non volver roubar e contar historias aos nenos.
Desfixéronse da montaña para que non poidera haber máis trasnos. Os nenos quedaron tristes, pero consolábanse coas fascinantes historias que contaba Trasnoteca.
Hoxe en día, o cole chámase "Padre Feijoo". No lugar da montaña temos un areeiro, un campo de bolei e un muro aburrido. Tamén temos unha fermosa biblioteca e un trasno...


                       Historia escrita polos nenos e nenas de 4ºB




25 DE NOVEMBRO

Para conmemorar o día 2 da Violencia de Xénero, o 25 de novembro, o Concello de Allariz en colaboración coa Biblioteca Escolar organizou un contacontos para o alumnado de segundo de Primaria. O título da obra representada é " Unha historia fantástica: O amor entre nenos e nenas"