Hoxe na Trasnoteca tivemos unha visita moi especial: os nosos amigos de Coeducontando viñeron compartir con nós un conto diferente, cheo de aprendizaxe, emoción e inspiración.
A través dunha sesión interactiva, divertida e chea de curiosidades, viaxamos pola historia para coñecer a vida de mulleres valentes e brillantes que deixaron unha pegada inesquecible no mundo.
Entre outras descubrimos a Ada Lovelace, a primeira programadora da historia; a Malala Yousafzai, a muller máis nova en recibir o Premio Nobel da Paz pola súa loita polo dereito á educación; e tamén a J.K. Rowling, a autora da saga de Harry Potter, a saga de libros mais vendida de todos os tempos.
Foi unha experiencia inspiradora e moi divertida, que nos lembrou o importante que é coñecer, valorar e celebrar o papel das mulleres que cambiaron o mundo.
Grazas a Coeducontando por esta viaxe tan especial pola historia!
Seguimos aprendendo, soñando e descubrindo novas historias na nosa Trasnoteca.
No hay comentarios:
Publicar un comentario